(Видео) Бела ајкула долга три метри, нападна млад британски лекар

Британскиот лекар Чарли Фрај (25) со тупаница удрил ајкула во носот и на тој начин успеал да се спаси од сигурна смрт.

Лекарот кој сурфал покрај плажата Авока, 90 километри од Сиднеј, се здобил само со површински рани на десното рамо и надлактицата.

Фрај, кој два месеци работел во болницата, изјави дека на почетокот помислил дека некој од сурферите се шегува со него, но сфатил дека покрај него плива ајкула. Веднаш реагирал бранејќи се со тупаница.

Вели дека ваквиот потег го забележал на една од снимките од 2015 година, на која австралискиот сурфер Мик Фенинг на идентичен начин успеал да се одбрани од голема бела ајкула.

Тој додал дека хоророт траел 5 секунди и дека големата бела ајкула била долга 3 метри, пренесуваат локалните медиуми.

На снимката објавена на сајтот на Светската сурферска лига се гледа како Фенинг на натпреварувањето во Јужна Африка паѓа од штица за сурфање, а потоа покрај него изронува голема бела перка на ајкула.

 

 

Scroll to Top