Американските медиуми откриваат нови детали од истрагата за самоубиството на Крис Споц, дечкото на исчезнатата актерка Адeа Шабани. Според Кеј-ен-би-ес, Споц бегал од полицијата во „тојота такома“, која била возена и порано, во претходно убиство, но полицијата не го решила тогаш тој случај.
Според регистарските таблички полицијата увидела дека возилото што се движело по патот било пријавено за украдено и дека се бара поради претходно отворена истрага за убиство.
Започнале потера по возилото. Се обиделе да го запрат, но Споц успеал да им избега и продолжил да вози кон автопатот „Риверсајд“. Кога се оддалечил малку од полицијата, запрел, се застрерал самиот и починал на местото на настанот.
Потрагата по Шабани продолжува. Полицијата засега нема конкретна трага. Во истрагата е вклучен и приватен детектив, ангажиран од семејството.
Адеа Шабани исчезна на 23 февруари, а според очевидци, Споц, со кого била во романтична врска, на денот на исчезнувањето насилно ја турнал во багажникот на автомобилот и заминал во непознат правец.
