На социјалните мрежи се шири видео од Кина во кое жена си го заборавила своето бебе во автомобилот, а потоа не им дозволила на пожарникарите да го скршат стаклото и да го спасат.
Вратите биле заглавени, а во автомобилот температурата достигнала и преку 35 степени Целзиусови. Видеото е снимено во кинеската провинција Жејанг. Додека пожарникарите се обидувале да го извлечат нејзиниот син и да го спасат, таа им викала да не го кршат стаклото.
Им објаснила дека браварот е на пат и дека наскоро ќе може да ја отвори вратата, без никакви последици. Голем број луѓе ги изненадила постапката на жената и многумина коментираат дека таа не размислувала дека секоја помината секунда може да биде кобна за нејзиното дете, пренесува „Дејли мејл“.
„Тоа не е мајка. Таа не заслужува да биде мајка. Таа е убиец“, стои во еден од коментарите. Други пишуваат дека таа не била мајка туку маќеа, штом повеќе ѝ било грижа за автомобилот отколку за детето.
Локалните медиуми пренесуваат дека пожарникарите се обидувале да ја убедат да им дозволи да го скршат стаклото и да го спасат детето кое плачело.
