Семејство од Флорида испаничило кога во својот затворен базен затекло неповикан гостин, огромен алигатор.
Веднаш се јавиле во канцеларијата на шерифот во Сарасоти и побарале помош.
Ѕверот долг 3,4 метри успеал да ја искрши стаклената врата и да стигне до базенот, за кој семејството мислело дека е добро затворен.
Во фаќањето на алигаторот, на полицијата и помогнало и друштвото за заштита на дивите животни, а снимката од акцијата е објавена на социјалните мрежи.
Најчесто меѓу коментарите можеше да се забележи дека станува збор за ноќен кошмар на жителите на Флорида и дека луѓето добро треба да погледнат во своите базени пред да влезат во нив.
Американскиот алигатор може да порасне и до 4,6 метри со тежина и до 450 килограми.
Во сојузната држава Флорида и Луизијана живеат најголем број од овие рептили и ги има околу еден милион единки.
