(Видео) Полицијата принудена да ги чува луѓето кои ги бројат гласовите во САД

Полицајци вооружени со пушки морале да интервенираат во центарот за броење гласови во округот Марикоп, во сојузната држава Аризона, со цел да ги чуваат луѓето кои работеле таму.

Луѓето коишто ги броеле гласовите биле пред дилема дали привремено да прекинат со работата, поради гласните демонстрантие на републиканците кои се собрале пред центарот и вршеле притисок.

На социјалните мрежи меѓу избирачите на Трамп се прошириле тврдења дека гласовите на актуелниот американски претседател нема да бидат броени и сведени во вкупниот број  гласови. Некои од демонстрантите дури и влегле во центарот, по што биле испратени надвор.

Официјалните лица во еден момент биле присилени да побараат помош од полицијата, но од центарот за броење  гласови во ниту еден момент не прекинале со работата. Снимката од полицијата во целосна тактичка опрема на „Твитер“ ја објавила новинарката на ABC News, Никол Валдес.

AP и голем број други медиуми официјално предвиделе дека во Аризона победил демократскиот кандидат Џозеф Бајден, но дека  гласовите сè уште не се преброени. Утрото во 7 часот во округот Марикоп преброени се 82 проценти од гласовите.

Таму води Бајден, но официјалните лица велат дека треба да се пребројат уште 400.000 гласови.

Scroll to Top