Домашни кроасани со крем

By

Првите кроасани настанале во Австрија за време на османлиската опсада на Виена во 1683 година. Пекарите ги забележале Османлииите кои се подготвувале за напад, па јавиле на австриската војска и така го спасиле градот.

Во знак на сеќавање тие направиле кроасан и го обликувале според муслиманскиот симбол- полумесечина. За појадок ви го препорачуваме следниот рецепт како да направите вкусни кроасани.

Потребни состојки:

15 гр. квасец

150 мл. вода

30 гр. шеќер

5 гр. сол

250 гр. брашно

180 гр. путер

Начин на подготовка:

Замесите тесто од квасец, водата, шеќер, сол, брашно и путер. Ставете брашно на даската за месење и замесете го тестото. Формирајте го во квадрат и замотајте во фолија. Оставете во фрижидер 15 минути.

На хартија за печење ставете 130 гр. путер. Формирајте го во квадрат со величина 15 на 15 сантиметри и замотајте во хартија за печење па почнете да го сукате. Оставете го 10 минути во фрижидер за да се зацврсти.

Извадете го тестото. Повторно со сукалото растегнете го и по ширина и должина. Направете калап за сечење кроасани. Тестото развлечете го до дебелина од 4мм. Со помош на калапот исечете триаголници. Расукајте го тестото и мотајте со најширокиот крај кон најкраткиот.

Премачкајте ги со белка од јајце. Оставете ги 60 минути во затворена рерна на температура од 24 до 28 степени или 2 часа на собна температура. Повторно премачкајте ги со белка од јајце.

Печете ги 15 минути во загрејана рерна на 180 степени. Додека се топли, ставете чоколадни трошки одозгора.

Ќе ви се допадне