Потребни состојки:
4 шолји рендан и излупен компир
1 јајце
3 лажици брашно
1 лажица рендан кромид
1 лажичка сол
¼ лажичка црн пипер
масло за пржење
Начин на подготовка:
Измијте го ренданиот компир во ладна вода, добро исцедете го и исушете го за да излезе од него вишокот вода. Ставете го во поголем сад. Додадете едно јајце, брашно, сол и црн пипер, па убаво промешајте и соединете. Во поголема нелеплива тава на умерен оган загрејте масло (дното насекаде да биде покриено со масло од околу половина сантиментар). Третина шолја наполнете со смесата и спуштајте во маслото, па со лопатка внимателно притиснете за да се израмни и да добие облик на американска палачинка. Пржете од двете страни додека да добијат златнокафеава боја, па вадете ги на хартиена салветка за да се исцеди вишокот маснотија. Послужете ги топли.