4 парчиња пилешки стек
100гр чадена сланина
100гр свежи печурки
3 лажици доматен сос
300 мл вода
2 лажици нишесте
сол,масло за јадење,мелен црн бибер,мешан зачин и шарена сол
Стекот го сечеме на парчиња го посолуваме и го пржиме на средно загреано масло.Пржиме убаво од двете страни.
Кога стекот е испржен во истото масло ја додаваме сецканата сланина и сецканите печурки и се заедно пржиме уште неколку минути.
Ги додаваме зачините и доматниот сос.Убаво мешаме и полеваме со 300 мл топла вода.
Оставаме да се динста околу 20 минути.
На крај додаваме 2 лажици нишесте растворени со малку вода и оставаме да динста уште околу две минути.
Стекот подготвен на овој начин е многу сочен со преубава арома на сланина и печурки.Предноста на овој рецепт е што за кратко време имаме многу вкусен оброк.
