Потребни состојки:
1 кг брашно
2 јајца
200 мл кисела павлака
400 мл млеко
1 свеж квасец
сол
шеќер
40-50 гр мелени чварки
свинска маст по потреба (1-2 лажици)
Начин на подготовка:
Сомелете ги чварките и додајте сол и бибер по вкус и 1 лажица свинска маст. Измешајте убаво. Смесата треба да биде кремаста, па по потреба додадете уште малку маст. Во малку млако млеко измешајте го квасецот и додадете 1 лажиче шеќер, 1 лажиче брашно и малку измешајте. Ставете го на топло за да стаса квасецот. Кога ќе стаса квасецот додадете го во брашното. Замесете тесто и постепено додавајте ги млекото, солта, јајцата и киселата павлака. Тестото оставете го да стои на топло додека не нарасне убаво. Развлечете го на набрашнета работна површина во форма на правоаголник, па премачкајте го со смесата од чварки и благо притиснете со рацете. Левата страна од тестото преклопете ја до средината, а десната страна ставете ја преку левата. Горната страна преклопете ја до средината, а долната преку неа. Оставете го да стои на топло, па повторно размесете го и преклопувајте барем три пати, во зависност од времето што го имате на располагање). На крај развлечете го тестото со дебелина од еден прст и со чаша вадете погачици. Ставете ги уште малку да отстојат на топло. Печете ги во претходно загреана рерна на 200 степени околу 30 минути. Одозгора премачкјате ги со разматено јајце.
