Потребни состојки:
6 жолчки
250 гр. шеќер
250 гр. јагоди
750 мл. слатка павлака
250 гр. бело чоколадо
Начин на подготовка:
Измешајте ги жолчките и шеќерот, а кога смесата ќе стане пенеста, ставете ја на пареа. Постојано мешајте додека не добиете кремаста структура. Тргнете ја од пареа и чекајте додека не се олади. Измиените и исечени јагоди изгмечете ги со вилушка. Измиксајте ја слатката павлака и додајте ја смесата од жолчки. Додајте ги и јагодите, па се добро промешајте. Смесата ставете ја во калап за торта и оставете да отстои во замрзнувач преку ноќ. Следниот ден стопете го белото чоколадо на пареа, малку изладете го и прелијте ја тортата. Потоа оставете ја уште 5 минути во замрзнувач. Извадете ја од калапот и украсете ја по желба, со јагоди или рендано чоколадо.
