Пејачката Тијана Дапчевиќ објави видео во кое подготвува пралини за Св. Валентин.
Иако за неа секој ден е ден на љубовта, за нејзините фанови е посебен Денот на вљубените. За нив го посвети и рецептот, кој е брз, лесен и едноставен.
„Уникатен начин за да ги изненадите саканите“, како што и самата порача.
Состојки:
- 200 гр црна чоколадо
- 200 гр бело чоколадо
- 100 гр маргарин (или путер) – по 50 гр маргарин на 200 гр чоколада
- вишни
- 2 лажици мелени бисквити
- лешници
- 3 лажици млеко
- 2 калапа за пралини (1 за пралини од црно чоколадо и 1 за пралини од бело чоколадо)
Подготовка:
- Пралини со црно чоколадо
200 гр црно чоколадото се топи заедно со 50 гр маргарин на пареа. Кога ке се стопи и ќе стане хомогена, основата за пралини се става во кеса-шприц за да се наполнат калапите. Откако ќе се наполнат калапите третина со чоколадо, се ставаат 2 минути во фрижидер. Потоа во нив се додаваат вишните, кои претходно се помешани со 2 лажици мелени бисквити (за да се впие вишокот течност од нив) и на крајот повторно се дополнува со смесата од чоколадо и маргарин. На крајот се ставаат во фрижидер околу 1 час пред сервирање.
- Пралини со бело чоколадо
200 гр бело чоколадо се топи заедно со 50 гр маргарин на пареа. Кога ќе се стопи, се додава 2 лажици млеко и се промешува. Понатаму постапката е иста како и за пралините со црно чоколадо, само, наместо вишни, во овие пралини се ставаат лешници. На крајот се ставаат во фрижидер 1 час и потоа се спремни за сервирање.
Пралините со црно и со бело чпколадо од двата калапа се вадат кога ќе се оладат и се декорираат со кокос и сечкано суво овошје.
View this post on Instagram