Пред тренинг изедете банана или овошен јогурт

By

Експертите советуваат дека пред секој тренинг, пожелно е да изедете една банана или овошен јогурт. Кога станува збор за здравиот живот, физичката активност и квалитетната исхрана одат рака под рака. Но, поради забрзаниот живот, понекогаш е тешко да се испланираат оброците.

Затоа експертите даваат совети кои оброци да ги конзумирате пред тренинг и по него. За да ги постигнете најдобрите резултати, одреден тип на намирници ќе ви помогнат во тоа.

Зашто е важно да се јаде, пред вежбањето

И покрај бројните совети и различни пристапи за прехрана кај тренингот, повеќето експерти се согласуваат дека оброците пред тренинзите се корисни и многу важни.

„Јаглехидратите од овошјето, зеленчукот и житариците, помагаат во издржливоста кај повеќето вежби“, вели диететичарот Аја Гимах.

Јаглехидратите се извор за енергија на телото.

 „Ако нашето тело го гледате како автомобил, тогаш јаглехидратите се горивото. Ако немате гориво во резервоарот, не можете да дадете сè од себе и ќе го упропастите тренингот“, вели таа.

Истражување направено од 2018 година, објавено во списанието Nutrition Today, покажало дека е важна конзумацијата на протеини пред вежбите, особено кога станува збор за вежби за сила. Дополнитено, маснотиите помагаат кај вежбите со низок интезитет.

Авторите на студијата велат дека сите досегашни истражувања покажале дека сепак јагленохидратите се незаменлив извор за енергија за вежбите со висок интезитет.

Намирниците кои се најдобар извор на јагленохидрати, протеини и масти, е пожелно да се конзумираат пред секој тренинг.

1. Банани

Ако ви се брза и немате време за готвење, изедете банана.

„Тоа е нешто што им го препорачувам на сите клиенти кои одат во вежбална. Кога немате многу време за пробување на храна, бананата е одличен избор, затоа што телото брзо ја троши енергијата и ви овозможва доволно јагленохидрати за вежбите“, вели Гимах.

Тие содржат двојно повеќе јагленохидрати од другите овошја, како на пример јаболки и портокали, и претставуваат оброк кој може да ви овозможи долготраен тренинг.

Тренерот Андреа Марцелус, вели дека конзумацијата на половина банана е како малку масло од кикирики и може да ви внесе доволна количина на јагленохидрати, масти и протеини и на тој начин да го стабилизира шеќерот во крвта, за време на вежбите.

2. Житарици

„Житариците се комплексни јагленохидрати кои можат да ви обезбедат многу енергија. Тие побавно се пренесуваат во крвотокот, па нема да имате проблем со наеднаш покаченото ниво на шеќер“, вели Гимах.

Тоа ќе ви помогне да имате доволно енергија за вежби за период и повеќе од 40 минути. Пожелно е да ставите и овошје или зеленчук во житариците, па така ќе можете да јадете ориз со грашок што содржи протеини или лиснато зелено овошје кое содржи витамини.

За да ја подобрите изведбата, Гимах има совети за своите клиенти.

„Пред одењето во вежбална, потребни ви се многу јагленохидрати и вода. Конзумацијата на овошје и зеленчук ќе му овозможи на телото најдобра вежба од кога било претходно“, вели таа.

Гимах ги советува своите клиенти, житариците да ги конзумираат барем еден час пред вежбите.

3. Овес

Кога Гимах играла одбојка во средно школо, вели дека пред секој тренинг, јадела овес.

„Слично како и со житариците, овесот дава многу енергија, која побавно се троши“, вели диететичарката. Затоа што побавно се троши, овесот е пожелно да се конзумира и еден час пред тренингот, а подеднакво е вреден и во форма на снегулки доколку не содржат додадени шеќери како што тоа е случај во инстант пакувањата со каша.

4. Јогурт и овошје

Ако имате околу половина час време пред тренингот, јогуртот и овошјето се корисен оброк за вас. Тие се извонреден извор на јагленохидрати и протеини“, вели Гимах.

Бирајте незасладен јогурт кој ќе ви овозможи доволно енергија, а доколку не јадете млечни производи, пробајте јогурти од билки како јогурт од кокос, бадем или орев кои ги имаат истите бенефити. Како и кај овесната каша, изберете производи кои не содржат засладувачи или ароми.

Кога е најдобро да се јаде пред тренинг

Марцелус советува дека малите оброци пред тренингот добро е да се конзумираат околу еден час пред вежбањето и дека не е пожелно да се јаде ништо барем 15 минути пред почетокот на физичките активности. На тој начин, организмот ќе има време за да ја свари храната.

За да можете да вежбате со цела сила, многу е важно и доволното конзумирање на вода.

„Кога сте малку дехидрирани поради потењето, можете да ја изгубите силата и фокусот, па дури и да добиете грчеви. Затоа е важно да пиете многу вода“, вели Гимах.

Најдобро е да пиете полека и помалку во текот на денот, и секако не е препорачливо да пиете многу вода одеднаш пред тренингот. Ова ќе направи да се чувствувате подуени. Марселус препорачува да испиете една чаша вода, 30 минути пред тренингот.

 

 

Ќе ви се допадне