Пред да се одлучите да ја исперете ленената облека во машина за перење, не заборавајте внимателно да ги прочитате упатствата на етикетата.
Кога ќе пристигне летото и жените и мажите со задоволство избираат ленена облека, бидејќи овој материјал е лесен, овозможува кожата да дише и е пријатeн на допир.
Меѓутоа, ниту ленените предмети не се идеални – брзо се туткаат, а со непрофесионално ракување при перење, може да се смалат, да изгубат боја и брзо да се распаднат.
За да го задржите омилениот фустан, кошула, панталони или ленено здолниште што е можно подолго, следете ги овие совети.
1. Полупразна машина
Кога перете вакви алишта во машината за перење никогаш не полнете го барабанот до крај. На ленената облека ѝ треба многу повеќе вода при перење за да биде чиста, бидејќи ленените влакна доста набабруваат. Ако ја оптоварите машината или ставите вообичаено количество облека, како на пример кога перете памучни бели алишта, ленените предмети ќе бидат премногу стуткани, а во исто време нема да бидат добро испрани.
2. Изберете го правиот циклус на перење
Нежниот циклус на перење е најдобриот избор. Изберете максимум 600 вртежи во минута за да ги заштитите влакната од ткаенината. Исто така, не заборавајте дека на ленот му треба долго време да се исуши целосно.
View this post on Instagram
3. Внимателно изберете ја температурата
Пред да ставите ленена облека во машината, проверете на етикетата која температура на перење ја препорачува производителот. Небоеното платно може да се пере на 90 или 95 степени, но ленената облека во боја не треба да се пере на температура повисока од 40 степени. Ова ќе ги спречи боите да исчезнат и облеката нема да се собере.
4. Изберете го вистинскиот детергент
Силниот детергент може да ги оштети влакната, така што ленената облека нема да трае долго. Одлучете се за благ течен детергент, особено ако вашата облека е направена од лен во боја.
5. Заборавете на омекнувачот и машината за сушење
Колку и да ви се допаѓа мекоста на материјалот по перење, не се препорачува употреба на омекнувач кога станува збор за ленената облека. Исто така, не ставајте ја во машина за сушење – тоа ќе ги истутка толку многу што ќе ви треба двојно повеќе време за пеглање од вообичаеното. Пеглајте ја додека е сè уште е влажна, на најсилна температура.
