Либанскиот дизајнер Ели Сааб повторно кокетира со жените. Новата есенска колекција венчаници со наслов Theatre Of Light е олицетворение на карактерот на неговиот препознатлив дизајн: романтика, раскош, драма, деликатен дизајнерски израз, скапоцени материјали.
Во дизајнот фокусот е на богатата тантела која го облагородува венчалниот фустан и му дава аристократски израз. Уште еден впечатлив детаљ, што воедно важи и за актуелен тренд кај венчаниците, се долгите превези, исто така изработени од скапоцени материјали.
Ели Сааб ќе каже дека модерната невеста во неговата визија е елегантна и романтична, а истовремено дама, која моќните и впечатливи детали и материјали знае да ги носи со став.
