Петмина британски војници кои биле ангажирани на фронтовите ширум светот починале во рок од седум дена. Како што пренесува „Сандеј тајмс“, британските војници починале во периодот од 26 септември до 1 октомври.
Сите починале во трагични околности. Наведените борци служеле во Северна Ирска, Босна и Херцеговина и Авганистан. Британските власти навеле дека ќе биде направен извештај за наведените самоубиства.
Исто така властите најавија дека сите случаи ќе бидат детално истражени и дека ќе се откријат причините за смртта на сите воени лица.
Во соопштението испратено до јавноста, исто така, е објавено дека процентот на самоубиства на борци е пораснат во последните години.
Како што е наведено во досегашните извештаи, во Велика Британија во последниот период има сè поголем број вести во медиумите за нееднаков третман на борците кои имаат посттрауматски стрес PTSD.
