Вратата на рускиот товарен авион Аn-12, кој превезувал драгоцени метали, случајно се отворила при полетувањето на авионот од аеродромот во Јакутск и на пистата паднале околу три тони злато.
Во тек е истрагата околу овој инцидент.
Авионот Аn-12 на авиокомпанијата „Нимбус“ полетал денеска од Јакутск за Краснојарск, со 9,3 тони злато и други драгоцени метали, соопшти државниот Истражен одбор.
Според прелиминарните информации, пронајдени се 172 златни шипки со тежина од 3,4 тони, навеле од Министерството за внатрешни работи во таа област и додале дека дел од товарот испаднал затоа што вратата не била добро прицврстена.
Strong winds blew the door off a Russian cargo plane, scattering 200 bars of gold and other precious metals across an airport runway #MeanwhileinRussia https://t.co/iUOwaI5yJt pic.twitter.com/cnnhHYTbdz
— The Moscow Times (@MoscowTimes) March 15, 2018
Авионот безбедно слетал на аеродромот Маган, 12 километри од Јакутск . Во авионот имало пет члена од екипажот, и никој не е повреден.
Сликите објавени на социјалните мрежи покажале дека златните плочки биле растурени по пистата.
