Многу домаќинки знаат што е ‘рѓа и колку тешко се отстранува.
Потребно е веднаш да се преземат мерки за решавање на тој проблем бидејќи колку се дамките постари толку потешко се отстрануваат.
Наместо скапи и штетни хемикалии, можете да користите состојки што веќе ги имате во својата кујна, винска киселина и сол.
Од овие состојки се приготвува раствор за отстранување темни дамки и ‘рѓа од емајлирана када:
– Во еден сад ставете 100 мл винска киселина и 2 супени лажици сол.
– Растворот се загрева во микробранова печка или на шпорет до температура од 60-70 степени.
– Со добриениот раствор се пребришуваат дамките на кадата со помош на мека ткаенина.
– Се остава да дејствува околу 15-20 минути.
– Потоа се мие со топла вода.
Процесот е многу ефикасен ако го извршите на време. По потреба повторете неколкупати едноподруго, а резултатот нема да изостане.
Ова е природен и безбеден начин за отстранување на ‘рѓата и дамките од када.
Од хемиски средства може да користите и обична солна киселина.
Но, пред да ја нанесете на проблематичните делови, заштитете ги деловите што содржат хром со најлонска кеса.
Солната киселина се истура директно врз дамките и се остава еден час, па потоа темелно се мие со поголемо количество вода.
Неопходно е да се запамети дека при чистењето не смеете да користите остри сунѓери и абразивни средства бидејќи доаѓа до уништување на горниот сјаен слој на кадата.