(Видео) Хеликоптер се урна на Ист Ривер во Њујорк

Пет лица загинаа кога хеликоптер се урна недалеку од островот Рузвелт на Ист Ривер во Њујорк.

Во хеликоптерот, кој бил изнајмен за приватно снимање, имало шест лица.

Пилотот се катапултирал. Тој се наоѓа во болница, но не е потешко повреден.

Сведоците навеле дека забележале едно лице што се катапултирало од леталото и мавтало со рацете барајќи помош.

Даниел Нигро од њујоршката противпожарна служба изјавил дека хеликоптерот бил целосно уништен на дното во ледената река.

Жена што живее во близина навела дека го забележала хеликоптерот за време на летот, но ништо не укажувало на проблеми.

„Изгледало речиси како да слетал на реката“, изјавила таа и додала дека сѐ се одиграло со неверојатна брзина и дека веќе следниот момент хеликоптерот бил под вода.

Ова не е прва несреќа во оваа област. Пред 7 години хеликоптерот исто така се урнал на Ист Ривер и тогаш загинал британски турист, а тројца биле повредени.

Слична несреќа се случила и во 2009 година кога мал приватен авион се урнал во реката Хадсон усмртувајќи девет лица.

Scroll to Top