(Видео) За лижење сладолед ѝ се заканува 20 години затвор

Американка од Тексас ѝ се заканува 20 години затвоска казна за лижење на сладолед во супермаркет. Полицијата ја идентификувала жената од видеото кое станало вирално на социјалните мрежи пред неколку дена.

На видеото се забележува како жената зема сладолед од кутијата од замрзнувачот во супермаркетот, го лиже, а потоа го затвора и го враќа назад во замрзнувачот.

Поради ваквата постапка на девојката и се закануваат 20 години затвор и парична казна од 10.000 долари, пишува „Дејли Мејл“. Производителот на сладоледот од снимката, ја контактирал полицијата и ја кажал локацијата на продавницата каде се случил инцидентот. Против жената е покрената истрага.

„Им благодариме на сите купци што не предупредија на ваквиот инцидент. Го свативме многу сериозно и во моментов соработуваме со властите и добавувачите и социјалните мрежи. Вакви работи нема да се толерираат. Безбедноста на храната е нашиот главен приоритет и се трудиме нашите купци да го имаат највисокот ниво на безбедност“, велат од компанијата која го произведува сладоледот.

Исто така полицијата ги предупреди сите граѓани да ги гледаат капаците на кутиите за сладолед, пред да ги купат. Проблемот не е само во гнасниот потег на оваа девојка, туки дека на овој начин таа започнала тренд меѓу младите корисници на социјалните мрежи.

На „Твитер“ можат да се пронајдат разни снимки од млади деца кои на идентичен начин го земаат сладоледот од фрижидерот, го лижат, а потоа го враќаат назад.

За жал не станува збор само за сладолед. Една од сцените за кои полициските служби пишуваат во своите извештаи е и водата за миење на уста.

Поврзани вести

Scroll to Top